【尖沙咀｜🇹🇭新泰東南亞餐廳｜開心抵食泰菜😋】

【🇹🇭新泰東南亞餐廳｜尖沙咀開心抵食泰菜😋】 最享受一大班人食飯，可以點多啲款式，又可以每款食一啖，滿足晒我好奇又為食嘅性格！ 食泰國菜最啱一班朋友去喇！ 食咗咩？ 😋鴨肉生菜包 傳統嘅豬肉生菜包就食得多，今次試鴨肉，味道更濃更惹味，同香草好夾！ 😋小食拼盤 泰式春卷、魚餅、香葉包雞，我最欣賞個魚餅，裡面加入咗香草，食入口好香好特別。 😋椰青冬蔭功⭐️ 超鍾意呢個冬蔭功，用咗椰青水做湯，非常之清甜，除此之外仲有滑捋捋嘅椰青肉，同埋蝦、雜菇等，口感味道都幾特色，起碼其他泰國餐廳無。 😋椰青沙冰⭐️ 真椰青咁上，沙冰真材實料堆到滿瀉，入口青甜解渴，好抵飲。 😋咖喱炒蟹+配蒜蓉包、薄餅 咖喱蟹個汁先至係癥結所在，有蟹味之餘又唔太鹹，點熱辣辣嘅薄餅同埋蒜蓉包食都非常之夾，一不小心就會一件接一件停唔到手。 😋馬拉盞通菜 炒得幾夠鑊氣，我哋叫兩碟先夠喉。 😋青芒果沙律 將青芒果切絲而成，感覺清爽可口。 😋泰式酸魚 中式酸魚試好多，泰式我第一次食，湯或酸酸地，魚勁滑，都照樣有闊身冬粉，冬粉索晒啲魚湯，好正！ 😋火焰火山骨 店員係上枱時點火，好有氣氛呀，勁開心的。火山骨繼續是泰味十足，男士們表示好喜歡。 😋串燒沙嗲豬牛雞 泰菜必點菜式，絕不失望呀！ 我哋點足3碟，一放上枱就秒清！我最欣賞係牛串燒！記住點醬，會再好味啲！ 😋柚子沙律 柚子份量好多，酸酸甜甜咁，我最鍾意佢加入咗啲幼幼嘅椰子薄脆，同埋魷魚，蝦，有少少辣，好開胃。 😋甜品拼盤 這裡嘅甜品拼盤幾好，廚師拍板感覺，樣樣有啲，啱晒唔同口味嘅朋友！大家明明叫晒好飽，但甜品當前又係全清！清得最快嘅係中間芒果糯米飯添！ #尖沙咀美食#尖沙咀泰菜#泰國菜#新泰東南亞餐廳#好食#泰國美食#UCreator#Foodie#美食推介